Blóðmáni

Við vorum svo heppin að geta fylgst með tunglmyrkvanum sem varð í gærkveldi, þegar jörðin fór á milli sólar og tungls. Það var alveg magnað en því miður dugði litla myndavélin okkar ekki til að ná mynd af fyrirbærinu :( Bendi því á Wasington Post sem birtir fína mynd og grein um myrkvann. Fyrst sáum við skugga byrja að færast yfir tunglið og þegar hann var kominn alla leið þá varð tunglið koparlitað eða appelsínugult. Þetta kallast 'bloodmoon' eða blóðmáni og þótti í gamla daga vera heldur slæmur fyrirboði. Í dag njótum við þess bara að horfa á og kærum okkur kollótt um hugsanlegar afleiðingar...

Skelli hér mynd sem ég tók í vikunni af páskaliljum í garðinum hér við blokkirnar. Ef vel er gáð má sjá að runninn á bak við er að byrja að laufgast. Sumum (Nínu) finnst þetta nú allt of snemmt því enn er jú rúmur mánuður til páska. Vorum annars í mat hjá þeim í gær og fengum þennan líka fína fisk frá Asda og alveg geggjað grænmeti. Takk fyrir okkur :)

Fyrir utan það er lítið að frétta, lífið gengur sinn vanagang og bara endalaus ritgerðarskrif og lærdómur hjá mér. Nú eru ekki nema tæpar tvær vikur þangað til ég á að skila, þannig að ég er aðeins farin að stressast. Þeir feðgar eru að búa sig undir að fara á fótboltaleik helgarinnar en ég verð auðvitað heima að læra.

Bless í bili.