Jólafrí :)

Púff, tókst að skila ritgerðinni og það meira að segja tæpum tveim tímum áður en skilafresturinn rann út! Þetta var mikil törn og mun meiri vinna en ég hafði reiknað með, en verður vonandi léttara næst. Jæja, nóg um það, nú er ég komin í jólafrí :)

Í gær var svona 'fair' eða markaðsdagur á Mill Road þar sem Nína var með búðina sína og hún var að selja dót sem hún átti afgangs. Við fengum okkur göngutúr þangað til að reyna að komast í smá jólastemmingu, það gekk svona lala. Á bakaleiðinni fórum við í gegnum kirkjugarðinn þar sem þessi jólalegi kristþyrnir er og ákváðum að láta myndavélina smella einni mynd af okkur með hann og þetta flotta grenitré í bakgrunn. Því miður var svona mikil sól beint á móti eða eitthvað, alla vega er myndin heldur yfirlýst en væri annars bara góð. Þegar við komum heim var byrjað að skyggja og tunglið sem var næstum fullt, skein inn um gluggann hjá okkur í gegnum trjágreinarnar sem nú hafa nokkurn veginn fellt laufblöðin.

Í dag átti að vera leikur hjá Stefáni, en honum var frestað vegna úrhellisrigningar sem var snemma í morgun. Í staðinn fórum við í bíltúr út fyrir bæinn og versluðum í Waitrose, rosa fínum stórmarkaði. Horfðum svo á Color Purple þegar við komum heim. Ég sá hana fyrir mörgum árum, en las bókina fyrst í fyrra. Mögnuð mynd og alveg þriggja vasaklúta, lágmark.

Er að reyna að finna út hvernig ég get reddað laufabrauðinu, ætli það endi ekki með því að ég fái bara uppskriftina hjá mömmu og búi það til frá grunni... veit annars einhver um ferð fyrir jól?