Alltaf er gott að koma heim

Komin heim á klakann, sem er réttnefni í þetta sinn því snjór í fjöllum og 5° hiti heilsuðu okkur þegar við lentum á Egilsstaðaflugvelli í gærkveldi eftir velheppnaða Danmerkurferð. Skólaferðalag 10. bekkjar Seyðisfjarðarskóla 2005 var ekkert smá skemmtilegt, veðrið lék við okkur og allt gekk upp (næstum því). Hér kemur stutt yfirlit:

• Norræna sigldi lygnan sjó alla leiðina og enginn varð sjóveikur nema Kristín smá
• Það var hitabylgja í Legolandi
  
• Sindri og Jón eru hræddir við geitunga og kóngulær, sérstaklega Sindri
  
• Við heimsóttum H.C. Andersen í Odense og versluðum dálítið í Rosengaard Centre
• Biðum í klukkutíma eftir lest sem var löngu farin...
• Löbbuðum hring eftir hring upp Sívalaturn og versluðum slatta á Strikinu
• Borðuðum æðislegt pasta á fínum ítölskum veitingastað þar sem þjónninn elskaði okkur
  
• Jóna var húmoristi ferðarinnar
  
• Fórum í Christianiu, vaxmyndasafnið, ótrúlega safnið og Tivoli sama daginn
• Björn Fannar var bestur í LaserDome í Malmö
• Sáum litlu hafmeyjuna og varðmannaskiptin við Amalienborg
• Versluðum meira á Strikinu
• Jón og Jafet skruppu í dýragarðinn
• Rétt náðum að fara á Bakkann áður en hann lokaði fyrir veturinn
• Elín fór milljón sinnum í skotturninn og öll hin tækin án þess að verða veik eins og sumir...
  
• Það voru slagsmál um leigubílana fyrir utan Bakkann og Ingibjörgu var hent út úr einum
• Apríl gleymdi passanum sínum og öllum handfarangri í leigubíl í Reykjavík, en það hlýtur að skila sér
  
• Allir fengu sér tattú og kennararnir líka
• Það er samt ekki alvöru og endist bara í átta daga
• Alls voru teknar 67 hópmyndir
• Sem sagt gott :)
  

Nú tekur alvara lífsins við í nokkrar vikur en svo erum við að fara með vinnunni hans Jóhanns í vikuferð til Portúgal. Hversu gott getur lífið ekki orðið?