Þegar ég kom út úr kirkjunni í kvöld, þar sem kirkjukórinn hafði verið að æfa jólalög, þá var komin þessi líka dásamlega snjókoma. Það var svo ótrúlega jólalegt - og mér leið eins og ég væri stödd í jólakorti þar sem ég keyrði heim umkringd jólaljósum í logndrífunni. Verst að þessi snjór verður örugglega löngu farinn loksins þegar jólin koma... eða kannski ekki :) Þessi mynd sem prýðir
heimasíðu bæjarins gefur smá hugmynd um tilfinninguna:
Annars ætlum við að fara norður til Akureyrar á laugardagsmorguninn og gista svo í Mývatnssveit á leiðinni heim. Mamma og pabbi eru reyndar í Dublin í kveðjuferð fyrir Kísiliðjustarfsmenn og Illugi Már "litli" bróðir minn skrapp til Kaupmannahafnar. En Þórarinn Pálmi og fjölskylda eru heima svo við getum alla vega heimsótt þau. Mikið verður gaman að hitta þau öll, ekki síst litlu krílin hans.
Engin ummæli:
Skrifa ummæli