Sandra & Arnþór

Undanfarna viku hafa skötuhjúin Sandra og Arnþór heiðrað okkur með nærveru sinni. Það var ósköp gott að fá þau í heimsókn, en um tíma var tvísýnt hvort þau kæmust núna eða kannski ekki fyrr en í vor eða guð má vita hvenær. Sem betur fer gekk allt samkvæmt áætlun og það var bara yndislegt að hafa þau hérna. Því miður þurftu þau að kveðja í gær, en við tókum okkur ýmislegt fyrir hendur á meðan þau voru hér, t.d.

• skoðuðum bæinn
• fórum á kaffihús
  
• kíktum í búðir
• fórum á pöbb
• borðuðum hangikjöt sem þau voru svo væn að koma með frá Íslandi
  
• fórum í bíó og
  
• út að borða með Nínu og þeim
• ætluðum á safn en það var lokað
  
• fórum til London og kynntum okkur neðanjarðarlestarkerfið þar mjög vel.

Meðfylgjandi mynd (afsakið hvað hún er stór, síðan harði diskurinn hrundi hef ég ekkert myndaforrit til að minnka myndir) er einmitt tekin í einum rúllustiganum á leið upp úr iðrum jarðar í London. Veðrið var því miður ekki upp á sitt besta, óþarflega hvasst og kalt þannig að við rétt kíktum á helstu staði eins og Piccadilly Circus, Oxford Street, Thames, Trafalgar Square, Big Ben og Covent Garden og vorum fljót niður í hlýjuna inn á milli. Sátum líka tvisvar á sama staðnum í Covent Garden og hresstum okkur með mat og drykk (aðallega drykk...) En vaxmyndasafnið bíður þar til næst. Takk innilega fyrir komuna krakkar mínir, vonandi getið þið komið aftur í vor eða sumar!

Nú tekur bara hversdagsleikinn við. Jóhann er reyndar löngu byrjaður að vinna eftir jólafríið og Stefán byrjaði í skólanum sl. mánudag, en nú verð ég að fara að byrja að undirbúa mig fyrir "Lent Term" sem byrjar í næstu viku. Lengsta jólafrí sem ég hef upplifað er sem sagt búið.