Matriculation Dinner

Mér, ásamt öðrum nýliðum, var boðið í sérstakan "innritunarkvöldverð" í Hughes Hall, kollegíinu mínu sl. fimmtudag. Þetta er hluti af hefðunum og næta allir í sínu fínasta pússi, bæði nemendur og kennarar. Ég kunni nú ekki við að fara á hjólinu í fínum kjól og háhæluðum stígvélum, þannig að ég labbaði um 20 mín. leið og rennsvitnaði auðvitað á leiðinni. En kvöldið var alveg stórskemmtilegt. Á undan matnum var boðið upp á drykk, síðan var slegið í stóran skjöld og þá fóru allir niður í matsal þar sem var búið að raða til borðs. Maturinn var frábær, þríréttaður og nautalundir í aðalrétt. Í miðjum klíðum stóð forsetinn upp og hélt ræðu á latínu og ensku. Eftir matinn var aftur farið upp þar sem boðið var upp á kaffi, ávexti og drykki. Ég var hálfhrædd um að ég myndi ekki þekkja neinn, en það var alveg óþarfi því ég talaði allt kvöldið við alls konar fólk; Kínverja, Englendinga, Ameríkana og Norðmann og skipti engu máli hvort maður þekktist eða ekki. Svaka gaman.

Helgin er líka búin að vera góð. Nína bauð okkur í grill í gær og það svíkur nú engan. Stefán var að spila í morgun og náðu þeir góðum heimasigri, 5-2. Svo ætlum við að hitta Björn Hildi á kaffihúsi í miðbænum á eftir.

Á meðan ég man; við erum búin að fá okkur bæði Skype og Tölvusímann frá Símanum. Notendanafnið mitt í Skype er bara.mjoll og Tölvusímanúmerið okkar er 499 0339. Heyrumst!