Undanfarna viku hef ég verið að fylgjast með skallaarnarhreiðri á vesturströnd Kanada. Fyrst voru 2 egg í hreiðrinu og parið skiptist á að liggja á þeim. Þegar ég byrjaði að horfa, var búist við að eggin færu að klekjast út hvað úr hverju. En nokkrir dagar liðu og ekkert gerðist. Þá allt í einu var annað eggið horfið! Spekingar á spjallborði um hreiðrið voru reyndar búnir að vara við því að margt gæti farið úrskeiðis; arnarparið væri komið til ára sinna, þau hefðu ekki komið upp ungum í fyrra o.s.frv. Þetta var samt áfall en fólk huggaði sig við að enn væri von með hitt eggið. Ernirnir héldu samviskusamlega áfram að liggja á, en í gær hvarf hitt eggið líka og þvílík sorg :( tíu milljón manns sem höfðu farið inn á síðuna á hverjum degi, voru alveg miður sín.En svona er víst gangur náttúrunnar og ekkert við því að gera. Eigendur síðunnar eru þegar búnir að finna annað arnarhreiður og búa sig nú undir að sýna frá því. Þeir eru líka að boða "new live Grizzly Bear cam". Þetta finnst mér alveg frábær notkun á internetinu - maður getur verið með nefið ofan í arnarhreiðri vestur í Kanada, sitjandi í stofusófanum heima. Geggjað!
3 ummæli:
Ég kíkti á þessa síðu, þetta er skemmtilegt.
Hér er önnur sem á sínum tíma (fyrir fáeinum árum) var mjög góð en mér sýnist sem úrval vefmyndavéla þar hafi eitthvað minnkað í seinni tíð: Africam
Já, takk fyrir þessa, það má finna ýmislegt skemmtilegt á henni. Við erum einmitt búin að vera með Afríkuþema í skólanum undanfarið, verst að hann er eiginlega búinn ;)
Skrifa ummæli